Eta argazkiok CC-BY-SA baimen librepean egotea beraien egoera legala zehatza zein den jakiterakoan, lana ikaragarri errazten digu. Eskerrikasko beraz, Aranzadi Zientzia Elkarteko kideei argazkiok erabiltzaileokin partekatzeko emandako pauso ausartagatik!
GureGipuzkoa.net | Uztegi’ko belar biltzea © CC BY-SA: Elósegui Irazusta, Jesús
Ataunen kablea garraio baliabide bezala indarrean izan den urteetan, udalerriko makina bat baserri eta parajeetan 197 kable instalakuntza izatera iritsi ziren. Gehienak, denak ez esatearren, Bixente Esquisabelen aginduetara jardunean ibilitako kablelariek muntatuta.
2012. urte honetan urriak dira geratzen diren aztarnak. Eta are eta urriagoak erabiltzeko moduan dauden kable instalakuntzak. Horietako bat San Martin auzoko Agerre Haundi baserrikoa da.
[googlemaps http://maps.google.es/maps/ms?msa=0&msid=210930096872034943817.0004c064dd83ce9d22ff0&ie=UTF8&t=h&ll=43.000265,-2.174537&spn=0.001883,0.003433&z=18&output=embed&w=640&h=480]
Kablearen luzera motza da, 165m. +/- eta etxe gaineko belarditik etxeko ganbararaino belarra sartzeko aukera eskaintzen du. Hala ere, egun ez dute erabiltzen belarra fardotan txukunagoa geratzen baita.
Bertako kablearen argazki galeria bat azpikaldean duzue.
Agerre Haundiko kablea, argazki albuma Flickren.
2011ko irailean Miguel Eskisabel gure osaba elkarrizketatzeko aukera izan genuen. Osasunez pattal dabil bainan gure galderak erantzuteko prest agertu zitzaigun ta zinez eskertzen diogu.
Miguel, bere aita Bixente Esquisabelekin batera kable muntaketan makina bat urtez jardun zen ezkondu eta mendi utzi zuen arte. Elkarrizketan horiek eta beste hamaika pasadizo azaldu zizkigun.
Azpikoa, grabatu genion saioko tarte labur bat baino ez da, orotara ia ordu t’erdiz jardun baiginen. Etorkizunean bideo gehiago eskuragarri jarriko ditugu.
[youtube=http://www.youtube.com/watch?v=zKNOey7qf14&w=480&h=360]
Bixente Esquisabelen inguruan gehiago jakin nahia izan da blog eta baliabide hauek guztiak martxan jartzeko arrazoi nagusia.
Gure aita eta aitona izandakoa, 1899. urtean Ataungo San Gregorio auzoko Artaditxulo baserrian jaio zelarik, 1955eko otsailaren 28an kontestu ez oso garbian Iruñan zendu zen.
GureGipuzkoa.net | Bixente Esquisabel © Sin Restricciones…: Ezezaguna
Euskal Herriko kablegintzan aitzindaria, Ataungo, Nafarroako eta atzerriko hamaika kable instalakuntza sustatu zituen, hala nola, Ansó, Zuriza, Candanchú, Andorra… Bere aginduetara makina bat langile izatera iritsi zen, bere garaian Ataungo “potentatuen” artean izan zelarik.
Bixenteri buruz dakigun guztia blog honetan jartzen saiatuko garelarik, gure ikerkuntzaren inguruan edozein informazio gustora jasoko genuke.
Argazkian Bixente, bere emaztea Donata eta eskubian emakume ezezagun bat ageri dira.
